Ус судлалын өртөө 1967 онд Увс аймагт аймаг дундын /Ховд, Увс, Баян –Өлгий, Завхан/ ус судлалын өртөө байгуулагдаж ус судлаач инженер Н.Дашдэлэгийг томилуулан ажиллуулжээ. 1988 оноос бие даасан ус судлалын станц байгуулагдан ажилласан байна. Ус судлалын харуул нь гадаргын усны өнгөрөлт, түвшин, мөс, цасны үзэгдэл, хур тунадас, усны болон агаарын температурын ажиглалт, ёроолын бичил амьтад, усны хими, биологийн дээж сорьц авах, орчны төлөв байдлын ажиглалтын судалгаа гэх мэт үер устай холбоотой бүхий зүйлийг тусгай хөтөлбөрийн хүрээнд хэмжилт хийн ажиглан тэмдэглэж мэдээ мэдээллийг боловсруулан дамжуулдаг, тасралтгүй үйл ажиллагаатай анхан шатны нэгж юм.

1992 оноос голуудаас усны ёроолд амьдагдаг бичил амьтан, ургамлын дээж авч шинжилгээ хийж эхэлсэн байна. 2008 оноос эхлэн харуулын УД-1, УД-2 дэвтрийг комьпютерд шивж оруулан цахим архив үүсгэн ажиллаж байна. Ус судлалын 11 харуулд голын урсац, хэвгий гулдрал, булгийн ундраг, хагшаас, усны хими, биологийн дээж, мөсний үзэгдэл, гүний усны ажиглалт хийж байна. 2016 оноос “Реки-режим” программ хангамжийг нэвтрүүлэн ажиглалтын УД-1, УД-2 дэвтрийн анхан шатны материалыг комьпютерд шивж оруулан боловсруулалт хийж байна.

Тус салбарт З.Шакей, Х.Нурлан, Б.Минейхан, Керей, Авилманат, Энхбаяр, Н.Юра, К.Алмагүл, Н.Даваадорж, нар ажилсан ба одоо Х.Биржан, И.Тотогус нар ажиллаж байна.