Анх 1975 оны 2 дугаар сарын 01-нд “Зоо цаг уур “ нэртэйгээр байгуулагдаж анхны харуулын ажиглагчаар З.Шакей ажиллаж байсан. 2002 оноос  “Хөдөө аж ахуйн цаг уур “ гэсэн бие даасан салбар болон хөгжсөн. 2005 онд  Ус цаг уур ,орчин шинжилгээний төвийн дарга П.Жанаргүл, инженер байцаагч З.Шакей, технологич инженер А.Мендгүл ,Улаанбаатараас төвийн инженер Мөнхзул нарын бүрэлдэхүүн 11 сумын нийт 84 цэгт  очиж өвөл, зуны бэлчээрийн төлөв байдлын ажиглалт хийх судалгааны  зогсоол цэгүүдийг тодорхойлох ажлыг хийж гүйцэтгэсэн. 2006 оноос Хөдөө аж ахуйн цаг уурын инженерээр Х.Азине ахлах техникчээр О.Чулуунхүү нар томилогдон ажиллаж байсан. 2011-оны 6 дугаар сард Ховд аймагт болсон “Бэлчээрийн эрүүл мэндийн үндэсний мониторингийн арга зүй “ бүсчилсэн сургалтад манай аймгаас төвийн дарга, инженер техникчид болон өртөө харуулын ахлах техникч, харуулын ажиглагч нар оролцсон.Тус сургалтаар бүх өртөө харуул нарт багаж тоног төхөөрөмж, заавар олгосон.Энэхүү арга зүйгээр хийгдсэн Бэлчээрийн төлөв байдлын ажиглалтын мэдээг ACCESS прогром дээр DIMA сан үүсгэх ажлыг Монголын бэлчээрийн менежментийн холбоо, Ногоон алт хөтөлбөрийн дэмжлэгтэйгээр хөдөө орон нутгийн сургалтад технологич инженер Мендгүл, Хөдөө аж ахуйн цаг уурын инженер Азине нар оролцсон. Хөдөө аж ахуйн цаг уурын ажиглалт нь тухайн нутаг дэвсгэрт ургаж байгаа бэлчээрийн болон таримал ургамлын зүйлийн бүрдлийг тодорхойлохоос гадан өвчин хортон, мэрэгч,нисэгч, мэрэгч шавжийн хэт олшролт, хор хөнөөл, малын бэлчээрлэлт, бэлчээрийн даац,ган зудын үнэлгээ,өвөлжилтийн байдлыг тодорхойлоход томоохон үүрэг гүйцэтгэдэг юм.