Анх 2005 оноос ерөнхий технологич, 2008 оноос технологийн хэлтсийн дарга, ерөнхий инженер, 2013 оноос технологи , мэдээлэл үйлчилгээний хэлтэс, 2015 оноос цаг уурын хэлтэс, 2017 оноос цаг уур, орчны технологийн хэлтэс нэртэй болж бүтэц зохион байгуулалтын өөрчлөлт хийгдэж одоог хүртэл тасралтгүй хэлтсийн даргаар А.Мендигүл ажиллаж байна. Тус хэлтэс нь харьяа салбар нэгжүүдийн хөтөлбөрийн хэрэгжилт, тасралтгүй хэвийн ажиллагаа, хэмжлийн нэгдмэл байдал, арга зүйн удирдлагаар хангаж техник технологийн шинэчлэлийг нэвтрүүлэн, ус цаг уур, орчны хяналт шинжилгээний технологийн сахилгын дүрмийн мөрдөлтөд хяналт тавих зорилготой.

Анхлан техник байцаагч  багаж төхөөрөмж хариуцаж ажилладаг байсан бол 2005 оноос ерөнхий технологич, хэлтсийн дарга бөгөөд шалган тохируулгын ажилтан нь бүх тоног төхөөрөмж болон цаг уурын автомат станцуудын үйл ажиллагаа хэвийн тасралтгүй байдлыг хангаж ажиллаж байна.

Тус хэлтэс нь 14 хүний бүрэлдэхүүнтэй ба цаг уурын салбар,  хөдөө аж ахуйн цаг уурын салбар, ус судлалын салбар, мөстөл судлалын салбар, багаж хэмжил зүй, байгаль орчны шинжилгээний лаборатори гэх салбарууд харьяалагдаж үйл ажиллагаа явуулж байна. Улсын сүлжээний хэмжих хэрэгслүүдэд шалгалт тохируулга, засвар үйлчилгээ, хийж хэмжлийн нэгдмэл байдлыг хангах зорилгоор зөвлөлт холбоот улсад үйлдвэрлэсэн.

 Мөнгөн уст багаж төхөөрөмжийг 1958-2000 он хүртэл ашиглаж байсан ба дэлхийн улс орнууд цаг уурын сүлжээнд мөнгөн уст багаж ашиглахаас татгалзаж гуравдагч үеийн зайнаас хэмжих автомат станц, багаж төхөөрөмжийг ашиглан технологийн шинэчлэл хийж эхэлсэн. Ингэснээр манай аймаг төслийн шугамаар 2005 оноос Финланд улсын анхны MAWZ301 автомат станцыг Өлгий өртөөнд суурилуулж улсын сүлжээнд нэвтрүүлсэн билээ. Тэрээр 2013 онд Ногооннуур, Дэлүүн, Алтай сумын цаг уурын өртөөнд AWS330, 2015 онд Булган, Баяннуур өртөөнд AWS310 автомат станц тус тус суурилагдаж 01 минут тутмын ажиглалт хэмжилтүүд өндөр нарийвчлалтай мэдрүүлүүдийн тусламжтай  тасралтгүй 24 цагаар цаг уурын үндсэн элементүүдийн хэмжил автоматаар хийгдэж,  цахим архив мэдээллийн сан бүрдэж эхэлсэн түүхтэй.

Цаг уур, орчны технологийн хэлтсийн инженер техникчдийн судалгаа.