2025 оны 09 дүгээр сарын 12,13-ны өдрүүдэд Баяннуур суманд ус, цаг уурын алба үүсэж хөгжсөний түүхт 60 жилийн ойн хүрээнд “ Уур амьсгалын өөрчлөлт-Баяннуур сумын ард иргэдийн дасан зохицох байдал” сэдэвт онол практикийн бага хурал зохион байгуулагдаж сумын удирдлагууд, малчин, тариаланч, бизнесмены төлөөлөл, ахмад цаг уурчид, нийт сумдын ус, цаг уурчдийн төлөөлөл 60 гаруй хүн оролцож 6 илтгэл хэлэлцүүлэв.

Хэлэлцүүлгийн үеэр ус, цаг уурчид сумын хүүхдийн цэцэрлэгт 60 ширхэг мод тарьж, малчдад 600000 төгрөгийн 30 боодол өвс хандивлав. Ажлын чиглэлээр болон Баяннуур сумын Брэнд бүтээгдэхүүнээр үзэсгэлэн гаргав.

Цаг уур, Хөдөө аж ахуйн цаг уур, ус судлалын чиглэлээр үзүүлэн ажиглалт хийж сумын ногоон байгууламж, усан сан бүхий газруудтай танилцан Ховд гол, ойн цэвэрлэгээ хийж нийт 20 шуудай модны хаягдал, аргалыг тухайн газар намаржиж буй айлуудад хүлээлгэн өгөв.